東華三院蔡榮星小學來訪

歡迎東華三院蔡榮星小學足球隊嘅同學仔嚟到賽馬會傑志中心，學習吸收足夠營養嘅重要性之餘，仲同4位傑志足球學院舊生，包括球員袁振謙、甘智健、馬斐、助教石鎧泓踢波㖭！

想好似馬斐哥哥跑得咁快、甘智健哥哥生得咁高？就要吸收多啲蛋白質喇！因為蛋白質對於肌肉生長有幫助之餘，仲可以保護骨骼，對於身體發展好大幫助。要吸收蛋白質，最好嘅方法當然係飲奶同埋食乳酪啦。自己食之餘，仲要同朋友仔分享，一齊成長！